Ye hi hain jinse mere jivan ki pehchan hai
Main khud mein kuch bhi kar lun Ye hi meri shaan hain
Mere wale pee lete botal
Duniya mujhse pareshan hai
Main din bhar jo seva karti, chakhane ke sang mewa dharti
Wo jab laga lete hain pehla jaam tab main jati hun Karne kaam
Dopehar khana dene ghar aana hai, Nari ko apna farz nibhana hai
Din bhar takrate hain jaam pe jaam, maar pade agar aurat karne jaye kaam
Hoshiyari se ek ghera baandh rakha hai, babu ji akeli aurat ko kiska pehra hai
Yehi hai zindagi, issi ko zimedaari se nibhana hai
Ek baat bata dein, unhe Humse pyaar bahut gehra hai,
Karte hain wo aksar humko pyaar
Subah hosh mein mafi bhi maang lete hain banke yaar.
Humare liye itna pyaar bhi kaafi hota hai. Issi ke dum pe chala lete hain, to kya hua jo hamara sikka khota hai.
Kamate nahi hai, aur sharab jue mein udda dete hain so alag.
Par jo jeet jayen to Jama de hain dhamak
Uss din lagta hai mere balo mein gajra, pakati Hun gosht, lagati Hun aankho mein kajra
Oonchi ho jati muhalle mein hamari naak, har koi ka mard thode na jeete hai aaj
Kistam to kharab hai hamari, galti bhi humne kiya.
Paisa ekko lawat na rahe, roti nahi achhe se diya.
Dus din se roz pee ke badtameezi Karta tha, gaali galauch Karta, ghar mein jo rookha sookha pada ho usse khana padta
Galti meri hai, maine roti nahi di achhe se. Abhi hospital mein check up karvaya to liver gayi hai achhe se.
Kidney ka bhi bura haal hai, doctor bole bach jayen to kamal hai.
Mangalsutra chadhya hai, ek mahine ke liye haspatal mein kamra book karvaya hai.
Main to roz mana karti thi peene ko, ghar mein band rakhti thi kameene ko.
Gandi gandi gali deta tha mere ko, tadapti thi main koi to usse peene do
Bahut pareshan kiya usne mujhe, Maine bola khana nahi dungi aaj se tujhe.
Galti meri thi, roti nahi di achhe se.
Ek baar bacha de Bhagwan, Abhi bachega to seva karungi achhe se.
Comments
Post a Comment